WIR ando 26to april ande ORF2

O arto ardipe amare but tschibtschakere flogoskere grupnengere magacinistar WIR | ČEŠI, HRVATI, MAGYAROK, ROMA, SLOVÁCI, SLOVENCI paraschtujake, ando 26to april, 10:40 orenge ando ORF2 sikado ol. Ando 28to april, 9:00 orenge, i sendung papal ando ORF III te dikel hi. Ande aja efta tschibtschakeri sendung o jekoschne falati ando jekoschne flogoskere grupnengere tschibtscha kerde hi, i moderacijona andi nimtschki tschib hi.

Romano Dikipe | ORF 2 Burgenland | 14to april | 14:05 orenge

I sendung ando cajchn le Internacijonali Romengere-Dijestar terdschol – amen mulatintschage Betschiste taj ando Burgenland kher rodijam. Avre tematscha la sendungatar hi jek universitetakero siklipeskero programo, kaj terne Roma taj Romnja pomoschago lengere avre schtudijumiske uschtiden taj kaj Romengere-schpecifischi tematscha aun dikle on, taj te amari serija „Upro jomi le Romengere sidlungtschendar ando Burgenland“ upre tumende uscharel.

WIR ando 12to april ande ORF2

O arto ardipe amare but tschibtschakere flogoskere grupnengere magacinistar WIR | ČEŠI, HRVATI, MAGYAROK, ROMA, SLOVÁCI, SLOVENCI paraschtujake, ando 12to april, 10:40 orenge ando ORF2 sikado ol. Ando 14to april, 9:00 orenge, i sendung papal ando ORF III te dikel hi. Ande aja efta tschibtschakeri sendung o jekoschne falati ando jekoschne flogoskere grupnengere tschibtscha kerde hi, i moderacijona andi nimtschki tschib hi.

„Forum4Burgenland“ | Tschibtschakero sikadipe usar i tschavengeri bar dschi usi utschi ischkola

O „Forum4Burgenland“ jek sikadipeskero forum la Privati Pedagogischi Utscha Ischkolatar Burgenland, la sikadipeskera direkcijonatar Burgenland taj le burgenlanditike flogoskere grupnengere bajrotschendar hi. Uso khetano berscheskero talalinipe ando kulturakero centrum Tikni Martona, o neve digitali projekti sikade taj te aun vakerde ule.

Naschadi Romengeri-sidlung Telunti Schica

Ande amari sendungakeri rik „Naschade Romengere-sidlungtscha le Burgenlandistar“, akan le gaveha Telutni Schica donde amen bescharas. Ando gav la bara gemajndejatar Uprutni Schica, agun buteder sar 150 Romnja taj Roma dschivnahi. O reporteri Adi Gussak upro jomakero rodipe pe kertscha taj dikel, so andar odola manuscha ulo.

Panasi tschijipe vaschi saki diveskeri diskriminacija

Berlin: But Sinti taj Roma andi Germanija phenel o anticiganismus upre dijaschi la bundakera gegirungatar vasch saki diveskero rasismus iste pumen donde bescharen.

ERINNERN:AT | Berscheskero pharipeskero punkto genocid gejng Roma taj Sinti ando nacijonalsocijalismus

ERINNERN:AT jek programo la OeAD-atar – i austritiki agentura le sikadipeske taj le internacijonalisirinipeske hi. O adaberschengero pharipeskero punkto hi o genocid gejng o Roma taj Sinti ando nacijonalsocijalismus. So tschatschikan planim hi, use jek informacijakero mulatintschago ando khera le kulturakere farajnistar le austritike Romendar phukado ulo.

Irina Spataru | Nevi presidentkija le internacijonali Romengere-ternipeskere necverkistar ternYpe

Lakere gondoha la internacijonalitetake taj gejng nacijonalismus ando Romengere-khetaniptscha, i Irina Spataru uso presidentoskero völinipe le ternipeskere necverksitar duach pe beschartscha. Laha erschtivar, jek Romni andar i Austrija, andi erschti rik la internacijonali organisacijatar ternYpe terdschol.

WIR ando 15to merc ande ORF2

O arto ardipe amare but tschibtschakere flogoskere grupnengere magacinistar WIR | ČEŠI, HRVATI, MAGYAROK, ROMA, SLOVÁCI, SLOVENCI paraschtujake, ando 15to merc, 10:40 orenge ando ORF2 sikado ol. Ando 17to merc, 9:00 orenge, i sendung papal ando ORF III te dikel hi. Ande aja efta tschibtschakeri sendung o jekoschne falati ando jekoschne flogoskere grupnengere tschibtscha kerde hi, i moderacijona andi nimtschki tschib hi.

Nevi Romanes-ischkolakeri kenva ando Gurbet-dijalekto

I butjakeri- taj genipeskeri kenva „Me sem khate!“ ando burgenlanditiko E. Weber falog ari ali. I ando Gurbet-dijalekto kerdi siklojipeskeri kenva le Romanes-sikajipeske jek le erschti kenvendar ande aja forma hi. I ischkolakeri kenva, ischkolaschkijenge taj ischkolaschtschenge andar i dujti dschi andi schtarti klas la flogoskera ischkolatar hi. Presentirim uli i kenva ando tschibtschakero pomoschagoskero centrum Betschi.